jo ba-zahir sahar-asar nazar aate hain

Mahir Abdul Hayee

jo ba-zahir sahar-asar nazar aate hain

Mahir Abdul Hayee

MORE BYMahir Abdul Hayee

    jo ba-zāhir sahar-āsār nazar aate haiñ

    vo bhī andar se shab-e-tār nazar aate haiñ

    kījiye kis se yahāñ qadr-e-hunar ummīd

    ab vo darbār na dur-bār nazar aate haiñ

    kam se kam apne garebāñ ke purze karte

    haath par haath dhare yaar nazar aate haiñ

    shahr-dar-shahr makānoñ meñ añdherā hai magar

    jagmagāte hue bāzār nazar aate haiñ

    kaun āvāz uThā.egā hamāre haq meñ

    sab tire hāshiya-bardār nazar aate haiñ

    ye bhī mumkin hai ki uḌ jaa.eñ to lauTeñ na kabhī

    jitne bachche haiñ vo par-dār nazar aate haiñ

    kitnī dilkash hai ye ummīd rañg-āmezī

    sañg-dil log bhī dildār nazar aate haiñ

    vo rahe hoñge nazākat meñ kabhī shāḳh-e-gulāb

    ab to jab dekhiye talvār nazar aate haiñ

    kis aamad hai ġharīboñ ke galī-kūche meñ

    ujle ujle dar-o-dīvār nazar aate haiñ

    jin ke dīdār ko firdaus-e-tamāshā kahiye

    zindagī meñ kahīñ ik baar nazar aate haiñ

    shoḳhī-e-naqsh-e-qadam hai ki gulāboñ qatār

    rāste sab gul-o-gulzār nazar aate haiñ

    jo har ik band se āzād haiñ vo bhī 'māhir'

    apnī ḳhaslat ke giraftār nazar aate haiñ

    jo ba-zahir sahar-asar nazar aate hain

    wo bhi andar se shab-e-tar nazar aate hain

    kijiye kis se yahan qadr-e-hunar ki ummid

    ab wo darbar na dur-bar nazar aate hain

    kam se kam apne gareban hi ke purze karte

    hath par hath dhare yar nazar aate hain

    shahr-dar-shahr makanon mein andhera hai magar

    jagmagate hue bazar nazar aate hain

    kaun aawaz uThaega hamare haq mein

    sab tere hashiya-bardar nazar aate hain

    ye bhi mumkin hai ki uD jaen to lauTen na kabhi

    jitne bachche hain wo par-dar nazar aate hain

    kitni dilkash hai ye ummid ki rang-amezi

    sang-dil log bhi dildar nazar aate hain

    wo rahe honge nazakat mein kabhi shaKH-e-gulab

    ab to jab dekhiye talwar nazar aate hain

    kis ki aamad hai gharibon ke gali-kuche mein

    ujle ujle dar-o-diwar nazar aate hain

    jin ke didar ko firdaus-e-tamasha kahiye

    zindagi mein kahin ek bar nazar aate hain

    shoKHi-e-naqsh-e-qadam hai ki gulabon ki qatar

    raste sab gul-o-gulzar nazar aate hain

    jo har ek band se aazad hain wo bhi 'mahir'

    apni KHaslat ke giraftar nazar aate hain

    Source:

    • Book : Hari Sonahri Khak (Ghazal) (Pg. 163)
    • Author : Mahir Abdul Hayee
    • Publication : Bazme-e-Urdu,Mau (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY