jo baat dil meñ thī kāġhaz pe kab vo aa.ī hai
ki ab qalam meñ to māñge kī raushnā.ī hai
yahī nahīñ ki dhuāñ chubh rahā hai āñkhoñ meñ
kuaañ bhī sāmne hai aur aqab meñ khaa.ī hai
maiñ apne jism ke dhabbe chhupā.e phirtā huuñ
mire libās se mahñgī mirī dhulā.ī hai
jo tere qurb meñ guzrī na terī furqat meñ
vo umr ham ne na-jāne kahāñ gañvā.ī hai
sadaf haiñ yā ki guhar jhaag haiñ ki ret faqat
hamāre vāste kyā le ke mauj aa.ī hai
jo baat dil mein thi kaghaz pe kab wo aai hai
ki ab qalam mein to mange ki raushnai hai
yahi nahin ki dhuan chubh raha hai aankhon mein
kuan bhi samne hai aur aqab mein khai hai
main apne jism ke dhabbe chhupae phirta hun
mere libas se mahngi meri dhulai hai
jo tere qurb mein guzri na teri furqat mein
wo umr hum ne na-jaane kahan ganwai hai
sadaf hain ya ki guhar jhag hain ki ret faqat
hamare waste kya le ke mauj aai hai
Source :
- Book : siip (Magzin) (Pg. 261)
- Author : Nasiim Durraani
-
Publication : Fikr-e-Nau
( 39 (Quarterly) )
- Edition : 39 (Quarterly)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.