jo baiTho sochne har zaKHm-e-dil kasakta hai
jo baiTho sochne har zaḳhm-e-dil kasaktā hai
ġhazal kaho to qalam se lahū Tapaktā hai
maiñ ab bhī rotā huuñ mahrūmiyoñ pe bachpan kī
khilaune dekh ke dil aaj bhī humaktā hai
fazā meñ ḳhauf-e-havā bolne nahīñ detā
zamīñ pe aa ke parinda bahut chahaktā hai
tumhārā lahja to dariyā hai bahte paanī kā
ye aag ban ke samundar meñ kyuuñ bhaḌaktā hai
dil-o-dimāġh ke sab taar bajne lagte haiñ
naqāb chehra-e-fitrat se jab saraktā hai
amīr-e-shahr banāyā gayā hai jis din se
hamāre ghaav sitamgar bahut namaktā hai
chamakne lagte haiñ 'anjum' tumhārī yādoñ ke
vo āsmān pe jab raushnī chhiḌaktā hai
jo baiTho sochne har zaKHm-e-dil kasakta hai
ghazal kaho to qalam se lahu Tapakta hai
main ab bhi rota hun mahrumiyon pe bachpan ki
khilaune dekh ke dil aaj bhi humakta hai
faza mein KHauf-e-hawa bolne nahin deta
zamin pe aa ke parinda bahut chahakta hai
tumhaara lahja to dariya hai bahte pani ka
ye aag ban ke samundar mein kyun bhaDakta hai
dil-o-dimagh ke sab tar bajne lagte hain
naqab chehra-e-fitrat se jab sarakta hai
amir-e-shahr banaya gaya hai jis din se
hamare ghaw sitamgar bahut namakta hai
chamakne lagte hain 'anjum' tumhaari yaadon ke
wo aasman pe jab raushni chhiDakta hai
Source:
Lehja-e-Gul (Pg. 26)
- Author: Farooq Anjum
-
- Edition: 2011
- Publisher: Madhya Pradesh Urdu Academy, Bhopal
- Year of Publication: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
