jo bashar har waqt mahw-e-zat hai

jo bashar har vaqt mahv-e-zāt hai

qalb us kā lam-yazal mir.āt hai

jis ko shaġhl-e-nafī-o-isbāt hai

vo hī sāhib-dil hai ḳhush-auqāt hai

sahv hotā hai kabhī hotā hai mahv

kyā maze kā apnā ye din-rāt hai

nā-murād-e-dahr fard-e-dahr hai

vo jahāñ meñ qāzī-ul-hājāt hai

hoñ sifāt-e-nafs jis ke qalb-e-rūh

vo bashar kab hai vo husn-e-zāt hai

sāhab-e-nisbat kā rutba hai buland

garche zāhid sāhabudda.avāt hai

bast meñ jab qabz kā daura huā

hai qayāmat naza.a kī sakrāt hai

vo ta.ayyun hī ke phande meñ rahā

jo yahāñ pābañd-e-mahsūsāt hai

muġhbacho ho jaao tum bhī be-niyāz

pīr-e-muġh to qibla-e-hājāt hai

ham bhī haiñ 'sāqī' talāsh-e-yār meñ

vo jo mil jaa.e to phir kyā baat hai

jo bashar har waqt mahw-e-zat hai

qalb us ka lam-yazal miraat hai

jis ko shaghl-e-nafi-o-isbaat hai

wo hi sahib-dil hai KHush-auqat hai

sahw hota hai kabhi hota hai mahw

kya maze ka apna ye din-raat hai

na-murad-e-dahr fard-e-dahr hai

wo jahan mein qazi-ul-hajat hai

hon sifat-e-nafs jis ke qalb-e-ruh

wo bashar kab hai wo husn-e-zat hai

sahab-e-nisbat ka rutba hai buland

garche zahid sahabuddawat hai

bast mein jab qabz ka daura hua

hai qayamat naza ki sakraat hai

wo tayyun hi ke phande mein raha

jo yahan paband-e-mahsusat hai

mughbacho ho jao tum bhi be-niyaz

pir-e-mugh to qibla-e-hajat hai

hum bhi hain 'saqi' talash-e-yar mein

wo jo mil jae to phir kya baat hai