jo be-ruKHi ka rang bahut tez mujh mein hai

jo be-ruḳhī kā rañg bahut tez mujh meñ hai

ye yādgār-e-yār-e-kam-āmez mujh meñ hai

sairāb kunj-e-zāt ko rakhtī hai mustaqil

bahtī huī jo rañj kī kārez mujh meñ hai

kaasa hai ek fikr se mujh meñ bharā huā

aur ik piyāla dard se lab-rez mujh meñ hai

ye karb-e-rā.egānī-e-imkāñ bhī hai magar

terā bhī ik ḳhayāl-e-dil-āvez mujh meñ hai

taaza khile hue haiñ ye gulhā-e-zaḳhm-e-rañg

har aan ek mausam-e-ḳhūñ-rez mujh meñ hai

rakhtī hai merī tab-e-ravāñ bāb-e-harf meñ

ye mustaqil jo dard kī mahmez mujh meñ hai

ab tak harā-bharā hai kisī yaad kā shajar

'irfān'! ek ḳhitta-e-zarḳhez mujh meñ hai

jo be-ruKHi ka rang bahut tez mujh mein hai

ye yaadgar-e-yar-e-kam-amez mujh mein hai

sairab kunj-e-zat ko rakhti hai mustaqil

bahti hui jo ranj ki karez mujh mein hai

kasa hai ek fikr se mujh mein bhara hua

aur ek piyala dard se lab-rez mujh mein hai

ye karb-e-raegani-e-imkan bhi hai magar

tera bhi ek KHayal-e-dil-awez mujh mein hai

taza khile hue hain ye gulha-e-zaKHm-e-rang

har aan ek mausam-e-KHun-rez mujh mein hai

rakhti hai meri tab-e-rawan bab-e-harf mein

ye mustaqil jo dard ki mahmez mujh mein hai

ab tak hara-bhara hai kisi yaad ka shajar

'irfan'! ek KHitta-e-zarKHez mujh mein hai