jo be-sabaat ho us sarKHushi ko kya kije

Noon Meem Rashid

jo be-sabaat ho us sarKHushi ko kya kije

Noon Meem Rashid

MORE BY Noon Meem Rashid

    jo be-sabāt ho us sarḳhushī ko kyā kiije

    ye zindagī hai to phir zindagī ko kyā kiije

    rukā jo kaam to dīvāngī kaam aa.ī

    na kaam aa.e to farzāngī ko kyā kiije

    ye kyuuñ kaheñ ki hameñ koī rahnumā na milā

    magar sarisht āvārgī ko kyā kiije

    kisī ko dekh ke ik mauj lab pe aa to ga.ī

    uThe na dil se to aisī hañsī ko kyā kiije

    hameñ to aap ne soz-e-alam baḳhshā thā

    jo nuur ban ga.ī us tīrgī ko kyā kiije

    hamāre hisse ik jur.a bhī nahīñ baaqī

    nigāh-e-dost mai-ḳhāngī ko kyā kiije

    jahāñ ġharīb ko nān-e-javīñ nahīñ miltī

    vahāñ hakīm ke dars-e-ḳhudī ko kyā kiije

    visāl-e-dost se bhī kam na ho sakī 'rāshid'

    azal se paa.ī huī tishnagī ko kyā kiije

    jo be-sabaat ho us sarKHushi ko kya kije

    ye zindagi hai to phir zindagi ko kya kije

    ruka jo kaam to diwangi hi kaam aai

    na kaam aae to farzangi ko kya kije

    ye kyun kahen ki hamein koi rahnuma na mila

    magar sarisht ki aawargi ko kya kije

    kisi ko dekh ke ek mauj lab pe aa to gai

    uThe na dil se to aisi hansi ko kya kije

    hamein to aap ne soz-e-alam hi baKHsha tha

    jo nur ban gai us tirgi ko kya kije

    hamare hisse ka ek jura bhi nahin baqi

    nigah-e-dost ki mai-KHangi ko kya kije

    jahan gharib ko nan-e-jawin nahin milti

    wahan hakim ke dars-e-KHudi ko kya kije

    visal-e-dost se bhi kam na ho saki 'rashid'

    azal se pai hui tishnagi ko kya kije

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY