jo bhed asl tha wo to kabhi khula hi nahin

jo bhed asl thā vo to kabhī khulā hī nahīñ

maiñ jis kā aks huuñ vo merā aa.ina hī nahīñ

udaas baiThā hai ā.īna bechne vaalā

ki is mahal meñ koī ḳhud ko jāntā hī nahīñ

ham apnī dastakeñ mahfūz rakh ke kyā karte

kisī makān meñ darvāza koī thā hī nahīñ

bhaTaktī phirtī haiñ yādoñ kī kashtiyāñ kyā kyā

ajab hai dil kā samundar ki rāsta hī nahīñ

na koī Dor na bandhan na rāsta na ġhubār

yahī ki us ke mire biich fāsla hī nahīñ

jo bhed asl tha wo to kabhi khula hi nahin

main jis ka aks hun wo mera aaina hi nahin

udas baiTha hai aaina bechne wala

ki is mahal mein koi KHud ko jaanta hi nahin

hum apni dastaken mahfuz rakh ke kya karte

kisi makan mein darwaza koi tha hi nahin

bhaTakti phirti hain yaadon ki kashtiyan kya kya

ajab hai dil ka samundar ki rasta hi nahin

na koi Dor na bandhan na rasta na ghubar

yahi ki us ke mere bich fasla hi nahin