jo bhi hona tha wo hua achchha

jo bhī honā thā vo huā achchhā

tū hai achchhā tirā ḳhudā achchhā

maiñ sarāboñ meñ kho gayā thā kahīñ

na safar thā na fāsla achchhā

shahr terā tujhe mubārak ho

mujh ko jañgal kā rāsta achchhā

kyā maze kī kitāb hai ye dil

jis ne bhī paḌh liyā lagā achchhā

na sahī vasl zikr-e-vasl to thā

koī lamha to mil gayā achchhā

facebōk par kisī kā mil jaanā

ban gayā ek silsila achchhā

is se yuuñ duur mat raho 'jagdīsh'

kuchh na kahne se to gila achchhā

jo bhi hona tha wo hua achchha

tu hai achchha tera KHuda achchha

main sarabon mein kho gaya tha kahin

na safar tha na fasla achchha

shahr tera tujhe mubarak ho

mujh ko jangal ka rasta achchha

kya maze ki kitab hai ye dil

jis ne bhi paDh liya laga achchha

na sahi wasl zikr-e-wasl to tha

koi lamha to mil gaya achchha

facebook par kisi ka mil jaana

ban gaya ek silsila achchha

is se yun dur mat raho 'jagdish'

kuchh na kahne se to gila achchha