jo bhi mile qubul hai den han ya na jawab

jo bhī mile qubūl hai deñ haañ yā na javāb

dekheñ mire savāl kā deñge vo kyā javāb

kaisā savāl thā ki ulajh ke vo rah gayā

aise meñ kyā kisī ne kisī ko diyā javāb

dil meñ utar ga.e ho tum āñkhoñ ke rāste

āñkhoñ ke ik savāl pe āñkhoñ kā thā javāb

ham se nazar milā ke kabhī kījiyegā baat

ham deñge aap ko suno har baat kā javāb

ḳhāmoshī ik savāl hai aisā savāl ki

na chāhte hue use denā paḌā javāb

baiThe haiñ dil ko thaam ke ham to ba-chashm-e-nam

marzī hai un kī jo bhī deñ achchhā-burā javāb

jo bhi mile qubul hai den han ya na jawab

dekhen mere sawal ka denge wo kya jawab

kaisa sawal tha ki ulajh ke wo rah gaya

aise mein kya kisi ne kisi ko diya jawab

dil mein utar gae ho tum aankhon ke raste

aankhon ke ek sawal pe aankhon ka tha jawab

hum se nazar mila ke kabhi kijiyega baat

hum denge aap ko suno har baat ka jawab

KHamoshi ek sawal hai aisa sawal ki

na chahte hue use dena paDa jawab

baiThe hain dil ko tham ke hum to ba-chashm-e-nam

marzi hai un ki jo bhi den achchha-bura jawab