jo bhiD mein bhi akela dikhai deta hai
jo bhiiḌ meñ bhī akelā dikhā.ī detā hai
vo aadmī mujhe apnā dikhā.ī detā hai
bashar zabān-o-bayāñ meñ nahīñ samā saktā
na pūchhiye ki vo kyā kyā dikhā.ī detā hai
ab aa ga.e ho to kuchh der dekh lene do
kabhī kabhī to ye chehra dikhā.ī detā hai
kisī meñ koī kamī hai kisī meñ koī hai
har ek shaḳhs adhūrā dikhā.ī detā hai
vo din ke vaqt kisī din nazar nahīñ aatā
to raat ko mujhe sapnā dikhā.ī detā hai
hameñ 'sha'ūr' zamīñ ghūmtī nahīñ lagtī
na koī lamha guzartā dikhā.ī detā hai
jo bhiD mein bhi akela dikhai deta hai
wo aadmi mujhe apna dikhai deta hai
bashar zaban-o-bayan mein nahin sama sakta
na puchhiye ki wo kya kya dikhai deta hai
ab aa gae ho to kuchh der dekh lene do
kabhi kabhi to ye chehra dikhai deta hai
kisi mein koi kami hai kisi mein koi hai
har ek shaKHs adhura dikhai deta hai
wo din ke waqt kisi din nazar nahin aata
to raat ko mujhe sapna dikhai deta hai
hamein 'sha'ur' zamin ghumti nahin lagti
na koi lamha guzarta dikhai deta hai
- Book : Ab Main Aksar Main Nahi Rehta (Pg. 107)
- Author : Anwar Shaoor
- Publication : Rekhta Publications (2024)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
