jo bu-e-zindagi mujhe kiran kiran se aai hai

Sabir Afaqi

jo bu-e-zindagi mujhe kiran kiran se aai hai

Sabir Afaqi

MORE BYSabir Afaqi

    jo bū-e-zindagī mujhe kiran kiran se aa.ī hai

    haqīqatan vo aap ke pairahan se aa.ī hai

    hamāre jism o ruuh ko surūr de ga.ī vahī

    nasīm-e-ḳhush-gavār jo tire badan se aa.ī hai

    ye kaun shaḳhs mar gayā ye kis hai kafan kaho?

    ki zindagī mujhe isī kafan se aa.ī hai

    tarīqat-e-nabard meñ hamārā silsila hai aur!

    ye ḳhud-kushī rasm-e-bad to kohkan se aa.ī hai

    kalī to phir kalī huī mahak uThe haiñ ḳhaar bhī

    maiñ jāntā huuñ ye nasīm kis chaman se aa.ī hai

    khule rakhe haiñ maiñ ne saare rañg-o-bū ke rāste

    mire chaman ye phaban chaman chaman se aa.ī hai

    maiñ 'sābir'-e-suḳhan-tarāz kyuuñ kisī ko dosh duuñ

    ki mere sar pe har balā mire suḳhan se aa.ī hai

    jo bu-e-zindagi mujhe kiran kiran se aai hai

    haqiqatan wo aap hi ke pairahan se aai hai

    hamare jism o ruh ko surur de gai wahi

    nasim-e-KHush-gawar jo tere badan se aai hai

    ye kaun shaKHs mar gaya ye kis ka hai kafan kaho?

    ki zindagi ki bu mujhe isi kafan se aai hai

    tariqat-e-nabard mein hamara silsila hai aur!

    ye KHud-kushi ki rasm-e-bad to kohkan se aai hai

    kali to phir kali hui mahak uThe hain KHar bhi

    main jaanta hun ye nasim kis chaman se aai hai

    khule rakhe hain main ne sare rang-o-bu ke raste

    mere chaman ki ye phaban chaman chaman se aai hai

    main 'sabir'-e-suKHan-taraaz kyun kisi ko dosh dun

    ki mere sar pe har bala mere suKHan se aai hai

    Source :
    • Book : Pakistani Adab (Pg. 570)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY