jo chup raheñ to kasak ho hañseñ to ḳhuuñ Tapke
tirī nazar ne diyā zaḳhm bhī rafū kī tarah
sikhā rahe haiñ vo ādāb-e-mai-kashī ham ko
jo mai-kade meñ chhalakte rahe subū kī tarah
surāġh-e-qatl milā ḳhud adā-e-qātil se
vo rang-e-ruḳh bhī pukārā mire lahū kī tarah
sukūt par bhī vo shāyad biThā.eñge pahre
sukūt bhī to hai ik jurm-e-guftugū kī tarah
tire visāl kī ḳhushbū tire firāq kā rang
mirā vajūd hai ik shahr-e-rang-o-bū kī tarah
hameñ bhī dekh ki ham zindagī ke sahrā meñ
khile hue haiñ kisī zaḳhm-e-ārzū kī tarah
jo chup rahen to kasak ho hansen to KHun Tapke
teri nazar ne diya zaKHm bhi rafu ki tarah
sikha rahe hain wo aadab-e-mai-kashi hum ko
jo mai-kade mein chhalakte rahe subu ki tarah
suragh-e-qatl mila KHud ada-e-qatil se
wo rang-e-ruKH bhi pukara mere lahu ki tarah
sukut par bhi wo shayad biThaenge pahre
sukut bhi to hai ek jurm-e-guftugu ki tarah
tere visal ki KHushbu tere firaq ka rang
mera wajud hai ek shahr-e-rang-o-bu ki tarah
hamein bhi dekh ki hum zindagi ke sahra mein
khile hue hain kisi zaKHm-e-arzu ki tarah
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.