jo dam ke sath the kal tak kabhi juda bhi na the

jo dam ke saath the kal tak kabhī judā bhī na the

vo aaj aise mile jaise āshnā bhī na the

kise gumāñ thā vafāoñ-bharī rifāqat ko

vo bhuul jā.eñge itne to bevafā bhī na the

kisī ne kar diyā kuchh aur bad-gumāñ ham se

ḳhafā vo the magar aise gurez-pā bhī na the

haiñ mujh se dād-talab husn-e-nā-ḳhudā.ī ke

vo log jo mirī kashtī ke nāḳhudā bhī na the

vafā.eñ kar ke vafā par bhī sharmsār the ham

jafā.eñ kar ke vo sharminda-e-jafā bhī na the

mirā 'ilāj mire chārasāz se na huā

vagarna 'bazm' mire zaḳhm lā-davā bhī na the

jo dam ke sath the kal tak kabhi juda bhi na the

wo aaj aise mile jaise aashna bhi na the

kise guman tha wafaon-bhari rifaqat ko

wo bhul jaenge itne to bewafa bhi na the

kisi ne kar diya kuchh aur bad-guman hum se

KHafa wo the magar aise gurez-pa bhi na the

hain mujh se dad-talab husn-e-na-KHudai ke

wo log jo meri kashti ke naKHuda bhi na the

wafaen kar ke wafa par bhi sharmsar the hum

jafaen kar ke wo sharminda-e-jafa bhi na the

mera 'ilaj mere chaarasaz se na hua

wagarna 'bazm' mere zaKHm la-dawa bhi na the