jo dast-e-ahl-e-mohabbat ko iKHtiyar mile

Tajdar Adil

jo dast-e-ahl-e-mohabbat ko iKHtiyar mile

Tajdar Adil

MORE BYTajdar Adil

    jo dast-e-ahl-e-mohabbat ko iḳhtiyār mile

    gadā ko phuul mileñ bādshah ko ḳhaar mile

    ye shahr-e-shīshagarāñ hai yahāñ yahī hogā

    ki sang ek milā aa.ine hazār mile

    hamesha hoñToñ pe us ke hañsī nazar aa.ī

    hamārī āñkhoñ meñ aañsū bhī be-shumār mile

    ga.e the shahr se bāhar udāsiyāñ dhone

    aur us safar meñ sab ā.īne par ġhubār mile

    milā na dost bhī koī purānī galiyoñ meñ

    sab apne shahr meñ masrūf-e-kārobār mile

    kabhī to jhāñk zarā manzar-e-nigah se udhar

    kabhī to aaqā koī mahv-e-intizār mile

    batānā us ko ki sab DhūñDte rahe haiñ use

    jo rāste meñ kabhī tum ko ‘tājdār’ mile

    jo dast-e-ahl-e-mohabbat ko iKHtiyar mile

    gada ko phul milen baadshah ko KHar mile

    ye shahr-e-shishagaran hai yahan yahi hoga

    ki sang ek mila aaine hazar mile

    hamesha honTon pe us ke hansi nazar aai

    hamari aankhon mein aansu bhi be-shumar mile

    gae the shahr se bahar udasiyan dhone

    aur us safar mein sab aaine par ghubar mile

    mila na dost bhi koi purani galiyon mein

    sab apne shahr mein masruf-e-karobar mile

    kabhi to jhank zara manzar-e-nigah se udhar

    kabhi to aaqa koi mahw-e-intizar mile

    batana us ko ki sab DhunDte rahe hain use

    jo raste mein kabhi tum ko ‘tajdar’ mile

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY