jo gul khila wo dagh-e-dil-e-bostan hua

jo gul khilā vo dāġh-e-dil-e-bostāñ huā

ibrat nigāh-e-dil na kabhī shādmāñ huā

jo dil meñ rah sakā na zabāñ se bayāñ huā

ban kar junūñ vo rāz-e-mohabbat ayaañ huā

kahne se ġhair ke hue vo teġh-āzmā

mujh ko na āzmā.eñ ki bas imtihāñ huā

is ḳhud-fareb dil ko ummīdeñ haiñ aur vo

nā-mehrbāñ huā na kabhī mehrbāñ huā

aksar rahā maiñ terī jafāoñ se kāmrāñ

achchhā huā vafā kā merī imtihāñ huā

pursān-e-hāl terī jafā bhī rahī na jab

mujh se ḳhilāf-e-vaza.a na zabt-e-fuġhāñ huā

mamnūn-e-beḳhudī huuñ maiñ 'beḳhud' ki umr bhar

mujh par girāñ na bār-e-ġham-e-do-jahāñ huā

jo gul khila wo dagh-e-dil-e-bostan hua

ibrat nigah-e-dil na kabhi shadman hua

jo dil mein rah saka na zaban se bayan hua

ban kar junun wo raaz-e-mohabbat ayan hua

kahne se ghair ke hue wo tegh-azma

mujh ko na aazmaen ki bas imtihan hua

is KHud-fareb dil ko ummiden hain aur wo

na-mehrban hua na kabhi mehrban hua

aksar raha main teri jafaon se kaamran

achchha hua wafa ka meri imtihan hua

pursan-e-haal teri jafa bhi rahi na jab

mujh se KHilaf-e-waza na zabt-e-fughan hua

mamnun-e-beKHudi hun main 'beKHud' ki umr bhar

mujh par giran na bar-e-gham-e-do-jahan hua