jo hamara hai hamein jaan se pyara Thahra

jo hamārā hai hameñ jaan se pyārā Thahrā

hū-ba-hū chāñd sitāroñ kā utārā Thahrā

kaun Thahrā hai yahāñ kaun bhalā Thahregā

maiñ uphantī huī naddī kā kināra Thahrā

dekh sakte hue bhī dekh nahīñ saktā maiñ

jis ko dekhūñ huuñ tire husn kā maarā Thahrā

ham ise chhoḌ ke tujh paas ab aa.eñ kaise

sar-e-ā.īna dil-āvez nazāra Thahrā

jo kisī taur mohabbat kā bharam rakhnā hai

to ye āzār-e-rifāqat bhī gavāra Thahrā

kyā hai tā-hadd-e-nazar ek bhañvar hai ġham kā

dil kī kashtī ko tabassum kā sahārā Thahrā

jo hamara hai hamein jaan se pyara Thahra

hu-ba-hu chand sitaron ka utara Thahra

kaun Thahra hai yahan kaun bhala Thahrega

main uphanti hui naddi ka kinara Thahra

dekh sakte hue bhi dekh nahin sakta main

jis ko dekhun hun tere husn ka mara Thahra

hum ise chhoD ke tujh pas ab aaen kaise

sar-e-aina dil-awez nazara Thahra

jo kisi taur mohabbat ka bharam rakhna hai

to ye aazar-e-rifaqat bhi gawara Thahra

kya hai ta-hadd-e-nazar ek bhanwar hai gham ka

dil ki kashti ko tabassum ka sahaara Thahra