jo hijr maine saha hai us ka hisab aata to mar na jata

jo hijr maiñ ne sahā hai us kā hisāb aatā to mar na jaatā

yā phir kabhī jo kahīñ achānak visāl paatā to mar na jaatā

vo bevafā thā magar vo ehsās jāntā thā so chup rahā maiñ

maiñ us ke va.ade usī kī qasmeñ use sunātā to mar na jaatā

maiñ chand tasvīr ḳhat purāne liye abhī tak to jī rahā huuñ

agar maiñ un ko kabhī jalātā tumheñ bhulātā to mar na jaatā

vo ik sahāfī jo sach ko likhte na.ī hukūmat se Dar gayā thā

ḳhilāf ho kar vahī hukūmat ko sach dikhātā to mar na jaatā

vo hijr terā vo din ġharībī ke aur logoñ kā jaan khonā

maiñ in havādis se bach gayā huuñ jo marnā aatā to mar na jaatā

jo hijr main ne saha hai us ka hisab aata to mar na jata

ya phir kabhi jo kahin achanak visal pata to mar na jata

wo bewafa tha magar wo ehsas jaanta tha so chup raha main

main us ke wade usi ki qasmen use sunata to mar na jata

main chand taswir KHat purane liye abhi tak to ji raha hun

agar main un ko kabhi jalata tumhein bhulata to mar na jata

wo ek sahafi jo sach ko likhte nai hukumat se Dar gaya tha

KHilaf ho kar wahi hukumat ko sach dikhata to mar na jata

wo hijr tera wo din gharibi ke aur logon ka jaan khona

main in hawadis se bach gaya hun jo marna aata to mar na jata