jo is zamir faroshi ke maherin mein hai

jo is zamīr faroshī ke māherīn meñ hai

vo aadmī bhī sunā hai muarraḳhīn meñ hai

baḌhā rahā hai mirī samt dostī kā haath

zarūr baat koī us kī āstīn meñ hai

zamāna biit gayā shahr-e-dushmanī chhoḌe

mirā shumār abhī tak muhājirīn meñ hai

vo mujh se kahtā hai phūloñ se ehtiyāt karo

mirā vo dost bhī mere munāfiqīn meñ hai

maiñ āsmān kī bātoñ se ḳhush nahīñ hotā

mire ḳhamīr kī miTTī isī zamīn meñ hai

hiran sā vahshī mohabbat kā dars detā hai

ye vāqi.a hai kitāb-e-sabuktagīn meñ hai

ġhazal meñ ahd-nigārī kā husn bhī hai kamāl

mirā ḳhayāl yaqīnan kisī hasīn meñ hai

jo is zamir faroshi ke maherin mein hai

wo aadmi bhi suna hai muarraKHin mein hai

baDha raha hai meri samt dosti ka hath

zarur baat koi us ki aastin mein hai

zamana bit gaya shahr-e-dushmani chhoDe

mera shumar abhi tak muhajirin mein hai

wo mujh se kahta hai phulon se ehtiyat karo

mera wo dost bhi mere munafiqin mein hai

main aasman ki baaton se KHush nahin hota

mere KHamir ki miTTi isi zamin mein hai

hiran sa wahshi mohabbat ka dars deta hai

ye waqia hai kitab-e-sabuktagin mein hai

ghazal mein ahd-nigari ka husn bhi hai kamal

mera KHayal yaqinan kisi hasin mein hai