jo jo shu.ūr-e-zehn pe aatā chalā gayā
dil kulfatoñ ke daaġh miTātā chalā gayā
lā kar bahār-e-nau ke gul-e-nudrat-e-ḳhayal
sahrā ko maiñ chaman sā banātā chalā gayā
allāh kā ye fazl hai mujh pe ki bahr-e-ilm
kuuze se mere dil meñ samātā chalā gayā
alfāz ke guhar se ġhazal kī zamīñ ko maiñ
jaise falak-nazhād banātā chalā gayā
tār-e-nafas pe chheḌ ke ik naġhma-e-hayāt
maiñ āgahī ke saaz pe gaatā chalā gayā
ulfat kī raah kar ke zamāne pe āshkār
'ahsan' maiñ ḳhār-e-rāh haTātā chalā gayā
jo jo shuur-e-zehn pe aata chala gaya
dil kulfaton ke dagh miTata chala gaya
la kar bahaar-e-nau ke gul-e-nudrat-e-KHayal
sahra ko main chaman sa banata chala gaya
allah ka ye fazl hai mujh pe ki bahr-e-ilm
kuze se mere dil mein samata chala gaya
alfaz ke guhar se ghazal ki zamin ko main
jaise falak-nazhad banata chala gaya
tar-e-nafas pe chheD ke ek naghma-e-hayat
main aagahi ke saz pe gata chala gaya
ulfat ki rah kar ke zamane pe aashkar
'ahsan' main KHar-e-rah haTata chala gaya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
