jo kar rahe the zamane se gumrahi ka safar
jo kar rahe the zamāne se gumrahī kā safar
unhīñ ke naam kiyā haq ne bandagī kā safar
jahāñ pe log añdhere sajā.e baiThe the
vahāñ pe aaj bhī jaarī hai raushnī kā safar
abhī hai vaqt sambhal jaao ai jahāñ vaalo
kahīñ tamām na ho jaa.e aadmī kā safar
maiñ apnī zaat kā hissa jise samajhtā huuñ
mire ḳhudā kī hai baḳhshish vo āgahī kā safar
usī kā saath ḳhudāyā mujhe mayassar ho
mohabbatoñ kā rifāqat kā zindagī kā safar
ye ek kāhkashāñ hī nahīñ mirī manzil
ki us ke ba.ad bhī baaqī hai raushnī kā safar
jo kar rahe the zamane se gumrahi ka safar
unhin ke nam kiya haq ne bandagi ka safar
jahan pe log andhere sajae baiThe the
wahan pe aaj bhi jari hai raushni ka safar
abhi hai waqt sambhal jao ai jahan walo
kahin tamam na ho jae aadmi ka safar
main apni zat ka hissa jise samajhta hun
mere KHuda ki hai baKHshish wo aagahi ka safar
usi ka sath KHudaya mujhe mayassar ho
mohabbaton ka rifaqat ka zindagi ka safar
ye ek kahkashan hi nahin meri manzil
ki us ke baad bhi baqi hai raushni ka safar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
