jo KHud ko paen to phir dusra talash karen

jo ḳhud ko paa.eñ to phir dūsrā talāsh kareñ

is ik hayāt meñ ab aur kyā talāsh kareñ

sitāra-go hai ye shab is ko ġhaur se sun leñ

aur is kā din jo kahīñ kho gayā talāsh kareñ

ham apnī baat ko dīvār hī meñ chunvā deñ

nazar shabīh samā.at sadā talāsh kareñ

hai bāb-e-jāñ pe rukā aks-e-mehmāñ aa kar

sar-e-vajūd koī aa.ina talāsh kareñ

havā meñ zahr hai sahrā kā yā samundar kā

ye ilm ho to koī badraqa talāsh kareñ

jo KHud ko paen to phir dusra talash karen

is ek hayat mein ab aur kya talash karen

sitara-go hai ye shab is ko ghaur se sun len

aur is ka din jo kahin kho gaya talash karen

hum apni baat ko diwar hi mein chunwa den

nazar shabih samaat sada talash karen

hai bab-e-jaan pe ruka aks-e-mehman aa kar

sar-e-wajud koi aaina talash karen

hawa mein zahr hai sahra ka ya samundar ka

ye ilm ho to koi badraqa talash karen