jo ḳhud na apne irāde se bad-gumāñ hotā
qadam uThāte hī manzil pe kārvāñ hotā
fareb de ke taġhāful vabāl-e-jāñ hotā
jo ik latīf tabassum na darmiyāñ hotā
dimāġh arsh pe hai tere dar kī Thokar se
nasīb hotā jo sajda to maiñ kahāñ hotā
qafas se dekh ke gulshan Tapak paḌe aañsū
jahāñ nazar hai yahāñ kaash āshiyāñ hotā
hamīñ ne un kī taraf se manā liyā dil ko
vo karte uzr to ye aur bhī girāñ hotā
samajh to ye ki na samjhe ḳhud apnā rañg-e-junūñ
mizāj ye ki zamāna mizāj-dāñ hotā
bharī bahār ke din haiñ ḳhayāl aa hī gayā
ujaḌ na jaatā to phūloñ meñ āshiyāñ hotā
hasīn qadmoñ se lipTī huī kashish thī jahāñ
vahīñ thā dil bhī 'razā' aur dil kahāñ hotā
jo KHud na apne irade se bad-guman hota
qadam uThate hi manzil pe karwan hota
fareb de ke taghaful wabaal-e-jaan hota
jo ek latif tabassum na darmiyan hota
dimagh arsh pe hai tere dar ki Thokar se
nasib hota jo sajda to main kahan hota
qafas se dekh ke gulshan Tapak paDe aansu
jahan nazar hai yahan kash aashiyan hota
hamin ne un ki taraf se mana liya dil ko
wo karte uzr to ye aur bhi giran hota
samajh to ye ki na samjhe KHud apna rang-e-junun
mizaj ye ki zamana mizaj-dan hota
bhari bahaar ke din hain KHayal aa hi gaya
ujaD na jata to phulon mein aashiyan hota
hasin qadmon se lipTi hui kashish thi jahan
wahin tha dil bhi 'raza' aur dil kahan hota
Videos
This video is playing from YouTube
Raza Lakhnavi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.