jo KHush hua hai charaghon ka sar qalam kar ke

jo ḳhush huā hai charāġhoñ kā sar qalam kar ke

chalā na jaa.e mohabbat ko kal-adam kar ke

use talāsh na.e manzaroñ kī rahtī hai

ujāle laayā hai tārīkiyoñ meñ zam kar ke

havā kī tarah talavvun shi'ār thā to sahī

magar vo shaḳhs gayā faisle raqam kar ke

hamāre ḳhvāb añdheroñ ke yarġhamālī haiñ

sipāh-e-shab ko sar-e-shām be-alam kar ke

anā ke peḌ pe shāyad samar malāl kā ho

zarā sā dekh to luuñ rābte baham kar ke

havā meñ tairte rahte haiñ aur rukte nahīñ

ye kis ne chhoḌ diyā jugnuoñ ko ram kar ke

'kafīl' le ke koī muzhda-e-sahāb aayā

jab aag jā chukī sab āshiyāñ bhasam kar ke

jo KHush hua hai charaghon ka sar qalam kar ke

chala na jae mohabbat ko kal-adam kar ke

use talash nae manzaron ki rahti hai

ujale laya hai tarikiyon mein zam kar ke

hawa ki tarah talawwun shi'ar tha to sahi

magar wo shaKHs gaya faisle raqam kar ke

hamare KHwab andheron ke yarghamali hain

sipah-e-shab ko sar-e-sham be-alam kar ke

ana ke peD pe shayad samar malal ka ho

zara sa dekh to lun rabte baham kar ke

hawa mein tairte rahte hain aur rukte nahin

ye kis ne chhoD diya jugnuon ko ram kar ke

'kafil' le ke koi muzhda-e-sahab aaya

jab aag ja chuki sab aashiyan bhasam kar ke