jo kuchh bhi hai nazar mein so wahm-e-numud hai

jo kuchh bhī hai nazar meñ so vahm-e-numūd hai

aalam tamām ek tilism-e-vajūd hai

ārā.ish-e-numūd se bazm-e-jumūd hai

merī jabīn-e-shauq dalīl-e-sujūd hai

hastī kā raaz kyā hai ġham-e-hast-o-būd hai

aalam tamām dām-e-rusūm-o-quyūd hai

aks-e-jamāl-e-yār se vahm-e-numūd hai

varna vajūd-e-ḳhalq bhī ḳhud be-vajūd hai

ab kushtagān-e-shauq ko kuchh bhī na chāhiye

farsh-e-zamīñ hai sāya-e-charḳh-e-kabūd hai

hañgāma-e-bahār kī allāh re shoḳhiyāñ

zāġh-o-zaġhan kā shor bhī saut-o-surūd hai

jo kuchh bhi hai nazar mein so wahm-e-numud hai

aalam tamam ek tilism-e-wajud hai

aaraish-e-numud se bazm-e-jumud hai

meri jabin-e-shauq dalil-e-sujud hai

hasti ka raaz kya hai gham-e-hast-o-bud hai

aalam tamam dam-e-rusum-o-quyud hai

aks-e-jamal-e-yar se wahm-e-numud hai

warna wajud-e-KHalq bhi KHud be-wajud hai

ab kushtagan-e-shauq ko kuchh bhi na chahiye

farsh-e-zamin hai saya-e-charKH-e-kabud hai

hangama-e-bahaar ki allah re shoKHiyan

zagh-o-zaghan ka shor bhi saut-o-surud hai