jo kuchh hai husn mein har mah-laqa ko aish-o-tarab

jo kuchh hai husn meñ har mah-laqā ko aish-o-tarab

vahī hai ishq meñ har mubtalā ko aish-o-tarab

agarche ahl-e-navā ḳhush haiñ har tarah lekin

ziyāda un se hai har be-navā ko aish-o-tarab

vo mai-kade meñ halāvat hai riñd-e-mai-kash ko

jo ḳhānqāh meñ hai pārsā ko aish-o-tarab

rakhe hai har tan-e-uryāñ barahna-pā.ī vahī

jo kuchh hai sāhib-e-asp-o-qabā ko aish-o-tarab

kamāl-e-qudrat-e-haq hai 'nazīr' kyā kahiye

jo shaah ko hai vahī hai gadā ko aish-o-tarab

jo kuchh hai husn mein har mah-laqa ko aish-o-tarab

wahi hai ishq mein har mubtala ko aish-o-tarab

agarche ahl-e-nawa KHush hain har tarah lekin

ziyaada un se hai har be-nawa ko aish-o-tarab

wo mai-kade mein halawat hai rind-e-mai-kash ko

jo KHanqah mein hai parsa ko aish-o-tarab

rakhe hai har tan-e-uryan barahna-pai wahi

jo kuchh hai sahib-e-asp-o-qaba ko aish-o-tarab

kamal-e-qudrat-e-haq hai 'nazir' kya kahiye

jo shah ko hai wahi hai gada ko aish-o-tarab