jo lab par teri dastan rakh rahe hain

jo lab par tirī dāstāñ rakh rahe haiñ

charāġhoñ kī lau par zabāñ rakh rahe haiñ

hameñ log kahte haiñ ġhaddār yaaro

kahāñ kī ḳhabar hai kahāñ rakh rahe haiñ

vo kyā ḳhaak pahuñcheñge ūñchā.iyoñ par

zamīnoñ pe jo āsmāñ rakh rahe haiñ

hameñ vāpsī kā yaqīñ hai tabhī to

kināre pe ham kashtiyāñ rakh rahe haiñ

diyā ban ke jaltā huuñ maiñ jin kī ḳhātir

vahī raah meñ āñdhiyāñ rakh rahe haiñ

vo ai 'nūr' talvār kaise uThā.eñ

kitāboñ meñ jo titliyāñ rakh rahe haiñ

jo lab par teri dastan rakh rahe hain

charaghon ki lau par zaban rakh rahe hain

hamein log kahte hain ghaddar yaro

kahan ki KHabar hai kahan rakh rahe hain

wo kya KHak pahunchenge unchaiyon par

zaminon pe jo aasman rakh rahe hain

hamein wapsi ka yaqin hai tabhi to

kinare pe hum kashtiyan rakh rahe hain

diya ban ke jalta hun main jin ki KHatir

wahi rah mein aandhiyan rakh rahe hain

wo ai 'nur' talwar kaise uThaen

kitabon mein jo titliyan rakh rahe hain