jo le ke hath mein apne tabar bhi aata hai

jo le ke haath meñ apne tabar bhī aatā hai

har ek zulm ko vo rauñd kar bhī aatā hai

tamām din jo bhaTaktā hai dasht-o-sahrā meñ

sunā hai shaam ko vo baam par bhī aatā hai

vo ek rind jo rotā hai terī chāhat meñ

usī kī aañkh meñ ḳhūn-e-jigar bhī aatā hai

maiñ us faqīr se rakhtā huuñ silsila apnā

jahāñ baḌe se baḌā tājvar bhī aatā hai

akele mujh ko kahīñ jaane vo nahīñ detā

jahāñ maiñ jā.ūñ vahāñ ham-safar bhī aatā hai

ye sūkhā peḌ nishānī hai ek qudrat kī

ḳhudā ke hukm se is meñ samar bhī aatā hai

shikan sī aatī hai 'ahmad' kabhī jo māthe par

maiñ aise rotā huuñ chehra nikhar bhī aatā hai

jo le ke hath mein apne tabar bhi aata hai

har ek zulm ko wo raund kar bhi aata hai

tamam din jo bhaTakta hai dasht-o-sahra mein

suna hai sham ko wo baam par bhi aata hai

wo ek rind jo rota hai teri chahat mein

usi ki aankh mein KHun-e-jigar bhi aata hai

main us faqir se rakhta hun silsila apna

jahan baDe se baDa tajwar bhi aata hai

akele mujh ko kahin jaane wo nahin deta

jahan main jaun wahan ham-safar bhi aata hai

ye sukha peD nishani hai ek qudrat ki

KHuda ke hukm se is mein samar bhi aata hai

shikan si aati hai 'ahmad' kabhi jo mathe par

main aise rota hun chehra nikhar bhi aata hai