jo likh na pao agar mohabbat pe bas aziyyat pe sher likkho

jo likh na paao agar mohabbat pe bas aziyyat pe sher likkho

tumhārī vahshat kā vāsta hai kisī bhī qīmat pe sher likkho

hasīn āñkhoñ ko jaam likhnā gulāb hoñToñ pe sher likhnā

qadīm sho.arā kī jaan chhoḌo ridā kī hurmat pe sher likkho

tumheñ bhī rab ne hī hai banāyā tumhāre apne bhī mas.ale haiñ

tumheñ ye kis ne kahā ai shā.ir ki sirf aurat pe sher likkho

koī marā hai kisī kī ḳhātir koī rukā hai kisī kī ḳhātir

ḳhayālī duniyā se niklo bāhar aur ab haqīqat pe sher likkho

chalā rahe haiñ bahut se sho.arā yahāñ pe ġhazloñ kā kaalā dhanda

so tum bhī sher-o-adab kā saudā karo aur ujrat pe sher likkho

vo jis pe duniyā kī saarī ḳhushiyāñ harām kar dī ga.ī haiñ 'sundus'

samāj kī us satā.ī laḌkī kī kaalī rañgat pe sher likkho

jo likh na pao agar mohabbat pe bas aziyyat pe sher likkho

tumhaari wahshat ka wasta hai kisi bhi qimat pe sher likkho

hasin aankhon ko jam likhna gulab honTon pe sher likhna

qadim shoara ki jaan chhoDo rida ki hurmat pe sher likkho

tumhein bhi rab ne hi hai banaya tumhaare apne bhi masale hain

tumhein ye kis ne kaha ai shair ki sirf aurat pe sher likkho

koi mara hai kisi ki KHatir koi ruka hai kisi ki KHatir

KHayali duniya se niklo bahar aur ab haqiqat pe sher likkho

chala rahe hain bahut se shoara yahan pe ghazlon ka kala dhanda

so tum bhi sher-o-adab ka sauda karo aur ujrat pe sher likkho

wo jis pe duniya ki sari KHushiyan haram kar di gai hain 'sundus'

samaj ki us satai laDki ki kali rangat pe sher likkho