jo mera hosh ka aalam hai be-KHudi to nahin

Arsh Malsiyani

jo mera hosh ka aalam hai be-KHudi to nahin

Arsh Malsiyani

MORE BYArsh Malsiyani

    jo merā hosh aalam hai be-ḳhudī to nahīñ

    maiñ jis ko apnā samajhtā huuñ ajnabī to nahīñ

    ḳhudā-garī ye māhir kuchh aur shai hai

    tum aadmī jise kahte ho aadmī to nahīñ

    ye aur baat hai mahrūm-e-iltifāt huuñ maiñ

    tire karam ke ḳhazāne meñ kuchh kamī to nahīñ

    subūt miltā hai us se kisī ta.alluq

    kamāl-e-barhamī-e-dost dushmanī to nahīñ

    nigāh-o-dil meñ bhī lāzim hai ik muravvat-o-kaif

    numūd-e-āriz-o-gesū dilbarī to nahīñ

    nuzūl-e-barq hai shāyad ye āshiyānoñ par

    raushnī jise samjhā hai raushnī to nahīñ

    tumhāre chehre pe āsār haiñ ḳhushī ke magar

    jo mere chehre se zāhir hai vo ḳhushī to nahīñ

    piye sharāb ibādat-guzār hue ai shaiḳh

    magar huzūr ye shāyān-e-bandagī to nahīñ

    na jaane kyuuñ mire dil ko yaqīñ nahīñ aatā

    jo ne jalva dikhāyā hai aarzī to nahīñ

    sunā hai tauba se hotā hai tāza-tar īmāñ

    hazār shukr ki ye āriza abhī to nahīñ

    tabāhiyoñ ke liye musta.id haiñ ahl-e-jahāñ

    ye āgahī kahīñ tauhīn-e-āgahī to nahīñ

    bas ek marg-e-musalsal bas ek rañj-e-davām

    kuchh aur shai hai ye ai 'arsh' zindagī to nahīñ

    jo mera hosh ka aalam hai be-KHudi to nahin

    main jis ko apna samajhta hun ajnabi to nahin

    KHuda-gari ka ye mahir kuchh aur hi shai hai

    tum aadmi jise kahte ho aadmi to nahin

    ye aur baat hai mahrum-e-iltifat hun main

    tere karam ke KHazane mein kuchh kami to nahin

    subut milta hai us se kisi talluq ka

    kamal-e-barhami-e-dost dushmani to nahin

    nigah-o-dil mein bhi lazim hai ek murawwat-o-kaif

    numud-e-ariz-o-gesu hi dilbari to nahin

    nuzul-e-barq hai shayad ye aashiyanon par

    tu raushni jise samjha hai raushni to nahin

    tumhaare chehre pe aasar hain KHushi ke magar

    jo mere chehre se zahir hai wo KHushi to nahin

    piye sharab ibaadat-guzar hue ai shaiKH

    magar huzur ye shayan-e-bandagi to nahin

    na jaane kyun mere dil ko yaqin nahin aata

    jo tu ne jalwa dikhaya hai aarzi to nahin

    suna hai tauba se hota hai taza-tar iman

    hazar shukr ki ye aariza abhi to nahin

    tabahiyon ke liye mustaid hain ahl-e-jahan

    ye aagahi kahin tauhin-e-agahi to nahin

    bas ek marg-e-musalsal bas ek ranj-e-dawam

    kuchh aur shai hai ye ai 'arsh' zindagi to nahin

    Source
    • Book : Kulliyat-e-Arsh (Pg. 132)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY