jo mujhse dur jaana chahta tha

jo mujh se duur jaanā chāhtā thā

vo mere saath hī pakḌā gayā thā

maiñ apnī muTThiyoñ meñ qaid thā yā

mujhe aisā kisī ne kar diyā thā

mirī āñkheñ to maiñ ne noch liiñ thiiñ

mujhe phir bhī kisī ne paḌh liyā thā

bichhaḌte vaqt bhī dil kuchh na bolā

ye pāgal zabt kar ke rah gayā thā

thā us se ishq kā iz.hār karnā

mujhe kuchh aur hī kahnā paḌā thā

use mujh se rihā.ī chāhiye thī

maiñ apnī laash par baiThā huā thā

kahā donoñ ne ik duuje ko behtar

bas us ke ba.ad jhagḌā ho gayā thā

jahāñ ke tabsire se tañg aa kar

bahut nuqsān ham ne kar liyā thā

sitāre baḌh rahe the merī jānib

magar vo chāñd kyuuñ Thahrā huā thā

mire yaaro tumhārī hī badaulat

safar jaarī huā hai, ruk gayā thā

kabhī āvāz dī thī 'muntazir' ko

maiñ apne aap se Takrā gayā thā

jo mujh se dur jaana chahta tha

wo mere sath hi pakDa gaya tha

main apni muTThiyon mein qaid tha ya

mujhe aisa kisi ne kar diya tha

meri aankhen to main ne noch lin thin

mujhe phir bhi kisi ne paDh liya tha

bichhaDte waqt bhi dil kuchh na bola

ye pagal zabt kar ke rah gaya tha

tha us se ishq ka izhaar karna

mujhe kuchh aur hi kahna paDa tha

use mujh se rihai chahiye thi

main apni lash par baiTha hua tha

kaha donon ne ek duje ko behtar

bas us ke baad jhagDa ho gaya tha

jahan ke tabsire se tang aa kar

bahut nuqsan hum ne kar liya tha

sitare baDh rahe the meri jaanib

magar wo chand kyun Thahra hua tha

mere yaro tumhaari hi badaulat

safar jari hua hai, ruk gaya tha

kabhi aawaz di thi 'muntazir' ko

main apne aap se Takra gaya tha