jo na mujhse teri saqi rah-e-iltifat hoti

jo na mujh se terī saaqī rah-e-iltifāt hotī

to na kā.enāt-e-mastī mirī kā.enāt hotī

tujhe rang-e-ishq miltā to mujhe thā ganj-e-rāhat

jise log maut kahte vo mirī hayāt hotī

vo ḳhatā pe miltī jannat jo amal ke naam likh dī

ye hai aur baat zāhid vo kuchh aur baat hotī

rahe qaid aarzū meñ thī yahāñ kī yā vahāñ kī

jo najāt us se miltī to kahīñ najāt hotī

tirī yaad jis meñ hotī tirā qurb jis meñ miltā

usī din ko din samajhte vahī raat raat hotī

yahī hai subūt-e-duniyā ki hai aaj kal nahīñ hai

na ye be-subūt hotī na ye be-sabāt hotī

tū ḳhatā par apnī 'aiman' kabhī munfa.il to hotā

tujhe baḳhsh detī rahmat jo ye ek baat hotī

jo na mujh se teri saqi rah-e-iltifat hoti

to na kaenat-e-masti meri kaenat hoti

tujhe rang-e-ishq milta to mujhe tha ganj-e-rahat

jise log maut kahte wo meri hayat hoti

wo KHata pe milti jannat jo amal ke nam likh di

ye hai aur baat zahid wo kuchh aur baat hoti

rahe qaid aarzu mein thi yahan ki ya wahan ki

jo najat us se milti to kahin najat hoti

teri yaad jis mein hoti tera qurb jis mein milta

usi din ko din samajhte wahi raat raat hoti

yahi hai subut-e-duniya ki hai aaj kal nahin hai

na ye be-subut hoti na ye be-sabaat hoti

tu KHata par apni 'aiman' kabhi munfail to hota

tujhe baKHsh deti rahmat jo ye ek baat hoti