jo nekiyon se badi ka jawab deta hai
jo nekiyoñ se badī kā javāb detā hai
ḳhudā bhī us ko sila be-hisāb detā hai
usī ke hukm se ghar-bār ujaḌ bhī jaate haiñ
vahī phir un ko basāne ke ḳhvāb detā hai
bashar pe qarz jo hote haiñ kār-hā-e-jahāñ
tamām-umr vo un kā hisāb detā hai
ġharaz ye hai na ho fikr-o-amal meñ kotāhī
ḳhudā diloñ ko agar iztirāb detā hai
qusūr is meñ bhī hai vāldain kā shāyad
jo bachchā un ko palaT kar javāb detā hai
kaTī hai umr azāboñ meñ dekhnā hai ab
mazīd kyā dil-e-ḳhāna-ḳharāb detā hai
vo āzmātā hai kāñToñ se sabr insāñ kā
phir us ke ba.ad mahakte gulāb detā hai
savāl dīd-o-mulāqāt kar chuke haiñ 'chāñd'
ab aage dekhiye vo kyā javāb detā hai
jo nekiyon se badi ka jawab deta hai
KHuda bhi us ko sila be-hisab deta hai
usi ke hukm se ghar-bar ujaD bhi jate hain
wahi phir un ko basane ke KHwab deta hai
bashar pe qarz jo hote hain kar-ha-e-jahan
tamam-umr wo un ka hisab deta hai
gharaz ye hai na ho fikr-o-amal mein kotahi
KHuda dilon ko agar iztirab deta hai
qusur is mein bhi hai waldain ka shayad
jo bachcha un ko palaT kar jawab deta hai
kaTi hai umr azabon mein dekhna hai ab
mazid kya dil-e-KHana-KHarab deta hai
wo aazmata hai kanTon se sabr insan ka
phir us ke baad mahakte gulab deta hai
sawal did-o-mulaqat kar chuke hain 'chand'
ab aage dekhiye wo kya jawab deta hai
Source:
Jate Hue Lamho (Pg. 32 (e)32 )
- Author: Mahendra Partap Chand
-
- Edition: 2013
- Publisher: Amrit Parkashan, Delhi
- Year of Publication: 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
