jo pahle zara si nawazish kare hai

jo pahle zarā sī navāzish kare hai

vahī phir shab-o-roz sāzish kare hai

vo dhoke pe dhoka diye jaa.e lekin

ye dil phir bhī us kī sifārish kare hai

kisī din mile vo khilaunoñ kī sūrat

mirā dil bhī bachchoñ sī ḳhvāhish kare hai

ye dil kā ḳhalal jaan le kar rahegā

masīhā to be-kār koshish kare hai

maiñ us kī ragoñ meñ lahū ban ke dauḌūñ

vo mere badan meñ rihā.ish kare hai

use pyaas sahrā kī bhātī nahīñ hai

vo 'fārūq' dariyā pe bārish kare hai

jo pahle zara si nawazish kare hai

wahi phir shab-o-roz sazish kare hai

wo dhoke pe dhoka diye jae lekin

ye dil phir bhi us ki sifarish kare hai

kisi din mile wo khilaunon ki surat

mera dil bhi bachchon si KHwahish kare hai

ye dil ka KHalal jaan le kar rahega

masiha to be-kar koshish kare hai

main us ki ragon mein lahu ban ke dauDun

wo mere badan mein rihaish kare hai

use pyas sahra ki bhati nahin hai

wo 'faruq' dariya pe barish kare hai