jo pari bhi ru-ba-ru ho to pari ko main na dekhun
jo pari bhi ru-ba-ru ho to pari ko main na dekhun
Mushafi Ghulam Hamdani
MORE BYMushafi Ghulam Hamdani
jo parī bhī rū-ba-rū ho to parī ko maiñ na dekhūñ
mirī āñkheñ band kar do ki kisī ko maiñ na dekhūñ
dil-e-garm ḳhūn-e-ulfat mire bar meñ rakh diyā hai
sū-e-gul to multafit huuñ jo kalī ko maiñ na dekhūñ
mirā dil lagā hai jis se mirā jī gayā hai jis par
mirī kyūñ-ki zindagī ho jo usī ko maiñ na dekhūñ
mirī tujh se zindagī hai to mirā jigar hai jī hai
kise dekh kar jiyūñ phir jo tujhī ko maiñ na dekhūñ
mirī kyūñ-ki ho tasallī tū hī 'mus.hafī' batā phir
dil-e-shab bhī us sanam kī jo galī ko maiñ na dekhūñ
jo pari bhi ru-ba-ru ho to pari ko main na dekhun
meri aankhen band kar do ki kisi ko main na dekhun
dil-e-garm KHun-e-ulfat mere bar mein rakh diya hai
su-e-gul to multafit hun jo kali ko main na dekhun
mera dil laga hai jis se mera ji gaya hai jis par
meri kyun-ki zindagi ho jo usi ko main na dekhun
meri tujh se zindagi hai to mera jigar hai ji hai
kise dekh kar jiyun phir jo tujhi ko main na dekhun
meri kyun-ki ho tasalli tu hi 'mushafi' bata phir
dil-e-shab bhi us sanam ki jo gali ko main na dekhun
- Book : kulliyat-e-mas.hafii(Vol-4)(pdf) (Pg. 224)
- Author : Ghulam hamdani Mashafi
- Publication : Qaumi council baraye -farogh urdu (2005)
- Edition : 2005
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
