jo qarz mujh pe hai wo bojh utarta jaun

jo qarz mujh pe hai vo bojh utārtā jā.ūñ

koī sune na sune maiñ pukārtā jā.ūñ

miTā chukā huuñ jise apne safha-e-dil se

ġhazal ġhazal vahī chehrā ubhārtā jā.ūñ

na jaane mere ta.āqub meñ kaun kaun aa.e

maiñ apne naqsh-e-kaf-e-pā ubhārtā jā.ūñ

jo mere paas hai apne liye bachā rakkhūñ

jo mere paas nahīñ tujh pe vārtā jā.ūñ

qadam qadam pe na.e log sāmne aa.eñ

qadam qadam pe na.e ruup dhārtā jā.ūñ

kahīñ bane na anā merī raah meñ dīvār

ye tauq apne gale se utārtā jā.ūñ

muqābla to karūñ 'rāshid' apne dushman se

ye aur baat hai jītūñ ki hārtā jā.ūñ

jo qarz mujh pe hai wo bojh utarta jaun

koi sune na sune main pukarta jaun

miTa chuka hun jise apne safha-e-dil se

ghazal ghazal wahi chehra ubhaarta jaun

na jaane mere taaqub mein kaun kaun aae

main apne naqsh-e-kaf-e-pa ubhaarta jaun

jo mere pas hai apne liye bacha rakkhun

jo mere pas nahin tujh pe warta jaun

qadam qadam pe nae log samne aaen

qadam qadam pe nae rup dhaarta jaun

kahin bane na ana meri rah mein diwar

ye tauq apne gale se utarta jaun

muqabla to karun 'rashid' apne dushman se

ye aur baat hai jitun ki haarta jaun