jo rah-rau mein abhi azm-e-rah-rawi kam hai

jo rāh-rau meñ abhī azm-e-rah-ravī kam hai

ba-qaid-e-hosh-o-ḳhirad aaj āgahī kam hai

fazā-e-dahr pe chhāne lagī hai tārīkī

ka.ī charāġh jalāo ki raushnī kam hai

haiñ yuuñ to aaj bhī pāband-e-mehr-o-māh magar

hanūz zehn meñ insāñ ke raushnī kam hai

hazār koshish-e-paiham ke baad bhī logo

mire zahan meñ abhī rabt-e-bāhamī kam hai

simaT ke markaz-e-aslī pe aa chukī duniyā

magar diloñ meñ kuchh ehsās-e-zindagī kam hai

'kalīm' azmat-e-ahd-e-vafā se vāqif hai

magar shu.ūr-e-vafā aap ko abhī kam hai

jo rah-rau mein abhi azm-e-rah-rawi kam hai

ba-qaid-e-hosh-o-KHirad aaj aagahi kam hai

faza-e-dahr pe chhane lagi hai tariki

kai charagh jalao ki raushni kam hai

hain yun to aaj bhi paband-e-mehr-o-mah magar

hanuz zehn mein insan ke raushni kam hai

hazar koshish-e-paiham ke baad bhi logo

mere zahan mein abhi rabt-e-bahami kam hai

simaT ke markaz-e-asli pe aa chuki duniya

magar dilon mein kuchh ehsas-e-zindagi kam hai

'kalim' azmat-e-ahd-e-wafa se waqif hai

magar shuur-e-wafa aap ko abhi kam hai