jo roen dard-e-dil se tilmila kar

Jurat Qalandar Bakhsh

jo roen dard-e-dil se tilmila kar

Jurat Qalandar Bakhsh

MORE BYJurat Qalandar Bakhsh

    jo ro.eñ dard-e-dil se tilmilā kar

    to vo hañstā hai kyā kyā khilkhilā kar

    yahī dekhā ki uThvā.e ga.e bas

    jo dekhā Tuk udhar ko aañkh uThā kar

    bhalā dekheñ ye kin āñkhoñ se kyuuñ

    kisī ko dekhnā ham ko dikhā kar

    khaḌā rahne na deñ vo ab ki jo shaḳhs

    uThāte the maze ham ko biThā kar

    gayā vo dil bhī pahlū se ki jis ko

    kabhī rote the chhātī se lagā kar

    chalī jaatī hai ai umr-e-rafta

    ye ham ko kis musībat meñ phañsā kar

    ḳhat aayā vaañ se aisā jis se apnā

    navishta ḳhuub samjhe ham paḌhā kar

    abhī ghar se nahīñ niklā vo tis par

    chalā ghar-bār ik aalam luTā kar

    diyā dhaḌkā use kuchh vasl meñ haa.e

    bigāḌī baat gardūñ ne banā kar

    mohabbat in dino jo ghaT ga.ī vaañ

    to kuchh paate nahīñ us paas kar

    magar ham shauq ke ġhalbe se har baar

    ḳhajil hote haiñ haath apnā baḌhā kar

    nahīñ muñh se nikaltī us ke kuchh baat

    kisī ne kyā kahā 'jur.at' se aa kar

    jo roen dard-e-dil se tilmila kar

    to wo hansta hai kya kya khilkhila kar

    yahi dekha ki uThwae gae bas

    jo dekha Tuk udhar ko aankh uTha kar

    bhala dekhen ye kin aankhon se kyun ji

    kisi ko dekhna hum ko dikha kar

    khaDa rahne na den wo ab ki jo shaKHs

    uThate the maze hum ko biTha kar

    gaya wo dil bhi pahlu se ki jis ko

    kabhi rote the chhati se laga kar

    chali jati hai tu ai umr-e-rafta

    ye hum ko kis musibat mein phansa kar

    KHat aaya wan se aisa jis se apna

    nawishta KHub samjhe hum paDha kar

    abhi ghar se nahin nikla wo tis par

    chala ghar-bar ek aalam luTa kar

    diya dhaDka use kuchh wasl mein hae

    bigaDi baat gardun ne bana kar

    mohabbat in dino jo ghaT gai wan

    to kuchh pate nahin us pas ja kar

    magar hum shauq ke ghalbe se har bar

    KHajil hote hain hath apna baDha kar

    nahin munh se nikalti us ke kuchh baat

    kisi ne kya kaha 'jurat' se aa kar

    Source :
    • Book : Ghazal Usne Chhedi(2) (Pg. 44)
    • Author : Farhat Ehsas
    • Publication : Rekhta Books (2017)
    • Edition : 2017
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now