jo shamshir teri alam dekhte hain
jo shamshīr terī alam dekhte haiñ
to vohīñ sar apnā qalam dekhte haiñ
tujhe ġhair se jab baham dekhte haiñ
na dekhe koī jo ki ham dekhte haiñ
jo chāheñ ki likkheñ kuchh ahvāl dil kā
to hāthoñ ko apne qalam dekhte haiñ
to jaldī se aavar na mere masīhā
koī dam ko rāh-e-adam dekhte haiñ
galī meñ butoñ kī shab-o-roz 'āsif'
tamāshā ḳhudā.ī kā ham dekhte haiñ
jo shamshir teri alam dekhte hain
to wohin sar apna qalam dekhte hain
tujhe ghair se jab baham dekhte hain
na dekhe koi jo ki hum dekhte hain
jo chahen ki likkhen kuchh ahwal dil ka
to hathon ko apne qalam dekhte hain
to jaldi se aawar na mere masiha
koi dam ko rah-e-adam dekhte hain
gali mein buton ki shab-o-roz 'asif'
tamasha KHudai ka hum dekhte hain
Source:
Lucknow Ke Chand Namwar Shora-volume-001 (Pg. ebook-65 page-66)
- Author: Syed Sulaiman Husain
-
- Edition: 1973
- Publisher: Uttar Pradesh Urdu Academy, Lucknow
- Year of Publication: 1973
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
