jo tere shahr se main dar-ba-dar nahin hota

jo tere shahr se maiñ dar-ba-dar nahīñ hotā

to merā ishq kabhī mo'atabar nahīñ hotā

ye arsh-o-farsh tirī muTThiyoñ meñ hote band

tū apne haal se gar be-ḳhabar nahīñ hotā

maza to jab hai mire saath saath tū bhī chal

rah-e-vafā meñ akele safar nahīñ hotā

rah-e-hayāt meñ aisā bhī moḌ aatā hai

sharīk-e-hāl koī ham-safar nahīñ hotā

tamām umr nafas se jihād karnā hai

do-chār din meñ to koī bashar nahīñ hotā

isī liye to bayābāñ meñ merā maskan hai

harīf-e-va.ada-shikan jānvar nahīñ hotā

zarūr koī kamī hai 'niyāz' jab hī to

jo iztirāb idhar hai udhar nahīñ hotā

jo tere shahr se main dar-ba-dar nahin hota

to mera ishq kabhi mo'atabar nahin hota

ye arsh-o-farsh teri muTThiyon mein hote band

tu apne haal se gar be-KHabar nahin hota

maza to jab hai mere sath sath tu bhi chal

rah-e-wafa mein akele safar nahin hota

rah-e-hayat mein aisa bhi moD aata hai

sharik-e-haal koi ham-safar nahin hota

tamam umr nafas se jihad karna hai

do-chaar din mein to koi bashar nahin hota

isi liye to bayaban mein mera maskan hai

harif-e-wada-shikan jaanwar nahin hota

zarur koi kami hai 'niyaz' jab hi to

jo iztirab idhar hai udhar nahin hota