jo tere dekhne se nikle hain

jo tire dekhne se nikle haiñ

vo bhī din kyā maze se nikle haiñ

vo kahāñ nazr jaañ kareñ apnī

jo parinde diye se nikle haiñ

jo kisī samt bhī nahīñ jaate

ham usī rāste se nikle haiñ

ziist ko paḌh ke ye huā raushan

matn sab hāshiye se nikle haiñ

saare armān āñdhiyoñ ke 'salīm'

mere par TūTne se nikle haiñ

jo tere dekhne se nikle hain

wo bhi din kya maze se nikle hain

wo kahan nazr jaan karen apni

jo parinde diye se nikle hain

jo kisi samt bhi nahin jate

hum usi raste se nikle hain

zist ko paDh ke ye hua raushan

matn sab hashiye se nikle hain

sare arman aandhiyon ke 'salim'

mere par TuTne se nikle hain