jo teri bandagi se milta hai

jo tirī bandagī se miltā hai

lutf vo kam kisī se miltā hai

hai ye kaafī tirā mirā shajara

ek hī aadmī se miltā hai

laakh barham ho vo magar yaaro

phir bhī shā.istagī se miltā hai

din ko lagtā hai dhuup us kā mizāj

raat ko chāñdnī se miltā hai

ab to mujh ko vo merī rag rag meñ

dauḌtī sansanī se miltā hai

hoñ mah-o-mehr yā nujūm tamām

vo kisī na kisī se miltā hai

laakh bhaTkūñ maiñ zulmatoñ meñ mirā

ik sirā raushnī se miltā hai

qābil-e-dīd rang hote haiñ

jab kabhī sādgī se miltā hai

pahle merī ḳhushī se miltā thā

ab vo apnī ḳhushī se miltā hai

shukr-sad-shukr ki mirā zāhir

hālat-e-bātinī se miltā hai

jo mujhe maujib-e-masarrat hai

dard bhī to usī se miltā hai

us meñ har rang uud aayā hai

vo mirī shā.irī se miltā hai

gulshan-e-dil meñ jab bahāreñ hoñ

kaun phir bekalī se miltā hai

hijr meñ be-sukūn rahtā huuñ

chain bhī hijr hī se miltā hai

ab to is zindagī kā har lamha

lamha-e-āḳhirī se miltā hai

dekh kar zarf paas aatā hai

dard kam hī kisī se miltā hai

silsila-hā-e-vus.at-e-sahrā

dil kī us tishnagī se miltā hai

jab se vo aañkh ke frame meñ hai

jo hai miltā usī se miltā hai

ai muhaqqiq surāġh-e-qatl mirā

āḳhirash zindagī se miltā hai

roz vo DhūñDte haiñ 'tāhir' ko

roz us kī galī se miltā hai

jo teri bandagi se milta hai

lutf wo kam kisi se milta hai

hai ye kafi tera mera shajara

ek hi aadmi se milta hai

lakh barham ho wo magar yaro

phir bhi shaistagi se milta hai

din ko lagta hai dhup us ka mizaj

raat ko chandni se milta hai

ab to mujh ko wo meri rag rag mein

dauDti sansani se milta hai

hon mah-o-mehr ya nujum tamam

wo kisi na kisi se milta hai

lakh bhaTkun main zulmaton mein mera

ek sira raushni se milta hai

qabil-e-did rang hote hain

jab kabhi sadgi se milta hai

pahle meri KHushi se milta tha

ab wo apni KHushi se milta hai

shukr-sad-shukr ki mera zahir

haalat-e-baatini se milta hai

jo mujhe maujib-e-masarrat hai

dard bhi to usi se milta hai

us mein har rang ud aaya hai

wo meri shairi se milta hai

gulshan-e-dil mein jab bahaaren hon

kaun phir bekali se milta hai

hijr mein be-sukun rahta hun

chain bhi hijr hi se milta hai

ab to is zindagi ka har lamha

lamha-e-aKHiri se milta hai

dekh kar zarf pas aata hai

dard kam hi kisi se milta hai

silsila-ha-e-wusat-e-sahra

dil ki us tishnagi se milta hai

jab se wo aankh ke frame mein hai

jo hai milta usi se milta hai

ai muhaqqiq suragh-e-qatl mera

aaKHirash zindagi se milta hai

roz wo DhunDte hain 'tahir' ko

roz us ki gali se milta hai