jo tu nahin hai to lagta hai ab ki tu kya hai

jo tū nahīñ hai to lagtā hai ab ki tū kyā hai

tamām ālam-e-vahshat ye chaar sū kyā hai

kisī kī yaad meñ āñkheñ chhalaktī rahtī haiñ

to aur maslak-e-ushshāq meñ vuzū kyā hai

udaas kar gayā ye kaun masnad-e-gul ko

ye shor o shain hai kaisā ye hā-o-hū kyā hai

tire huzūr bhī apne hī mas.aloñ meñ rahe

samajh na paa.e ki āñkhoñ ke rū-ba-rū kyā hai

suḳhan-tarāz ho jab vo to aisā lagtā hai

diloñ pe nuur kī bārish hai guftugū kyā hai

har ek aañkh meñ aañsū har ek lab pe fuġhāñ

ye ek shor-e-qayāmat sā kū-ba-kū kyā hai

jo tu nahin hai to lagta hai ab ki tu kya hai

tamam aalam-e-wahshat ye chaar su kya hai

kisi ki yaad mein aankhen chhalakti rahti hain

to aur maslak-e-ushshaq mein wuzu kya hai

udas kar gaya ye kaun masnad-e-gul ko

ye shor o shain hai kaisa ye ha-o-hu kya hai

tere huzur bhi apne hi masalon mein rahe

samajh na pae ki aankhon ke ru-ba-ru kya hai

suKHan-taraaz ho jab wo to aisa lagta hai

dilon pe nur ki barish hai guftugu kya hai

har ek aankh mein aansu har ek lab pe fughan

ye ek shor-e-qayamat sa ku-ba-ku kya hai