jo waqt aaya to sab ne dekha ali akela hi DaT gaya hai

jo vaqt aayā to sab ne dekhā 'alī' akelā hī DaT gayā hai

vo jis ko laḌnā thā pahlī saf meñ vo sab se pahle palaT gayā hai

jo maiñ ne dushman ke maañ kī photo zamīñ pe girne se pahle thāmī

vo bhaa.ī kah kar baḌhā hai aage mire gale se lipaT gayā hai

ham aglī pīḌhī se kyā kaheñge ki ham baḌe the ki yuuñ laḌe the

ab aur kitnā lahū bahegā zamīñ kā siina to phaT gayā hai

ab is se aage kahāniyoñ kī shab-e-mohabbat tulū' hogī

ba-qaul 'azhar-farāġh' yaaro hamārā ḳhema simaT gayā hai

ġharīb maaoñ ke laa'l beTe bharī javānī meñ rul ga.e haiñ

hamārī mehnat kā jo sila thā amīr-zādoñ meñ baT gayā hai

jo waqt aaya to sab ne dekha 'ali' akela hi DaT gaya hai

wo jis ko laDna tha pahli saf mein wo sab se pahle palaT gaya hai

jo main ne dushman ke man ki photo zamin pe girne se pahle thami

wo bhai kah kar baDha hai aage mere gale se lipaT gaya hai

hum agli piDhi se kya kahenge ki hum baDe the ki yun laDe the

ab aur kitna lahu bahega zamin ka sina to phaT gaya hai

ab is se aage kahaniyon ki shab-e-mohabbat tulu' hogi

ba-qaul 'azhar-faragh' yaro hamara KHema simaT gaya hai

gharib maon ke la'l beTe bhari jawani mein rul gae hain

hamari mehnat ka jo sila tha amir-zadon mein baT gaya hai