jo zaKHm jama kiye aankh-bhar sunata hun

jo zaḳhm jam.a kiye āñkh-bhar sunātā huuñ

sunoge band zabāñ kyā nazar sunātā huuñ

jo sun sako to sukūt-e-pas-e-navā bhī suno

yahī to maiñ tumheñ shaam o sahar sunātā huuñ

nigāh laao jo rañg-e-sadā kashīd kare

ki maiñ to ḳhāmoshiyoñ ke hunar sunātā huuñ

yahī kamāl hai mere alag takallum kā

ḳhabar bhī hotī nahīñ jo ḳhabar sunātā huuñ

agarche ek hī dariyā kī naġhma-ḳhvānī hai

kināra saut tirī maiñ bhañvar sunātā huuñ

tumhāre vāste shāyad mirā kalām na ho

jinheñ ḳhabar nahīñ maiñ kyā ḳhabar sunātā huuñ

Thahar gayā hai mire harf kā yahī me.aar

dhuāñ uḌātā nahīñ maiñ sharar sunātā huuñ

jo zaKHm jama kiye aankh-bhar sunata hun

sunoge band zaban kya nazar sunata hun

jo sun sako to sukut-e-pas-e-nawa bhi suno

yahi to main tumhein sham o sahar sunata hun

nigah lao jo rang-e-sada kashid kare

ki main to KHamoshiyon ke hunar sunata hun

yahi kamal hai mere alag takallum ka

KHabar bhi hoti nahin jo KHabar sunata hun

agarche ek hi dariya ki naghma-KHwani hai

kinara saut teri main bhanwar sunata hun

tumhaare waste shayad mera kalam na ho

jinhen KHabar nahin main kya KHabar sunata hun

Thahar gaya hai mere harf ka yahi mear

dhuan uData nahin main sharar sunata hun