jo ziyan dil ka hua us ka izala ho jaun

Mazhar Imam

jo ziyan dil ka hua us ka izala ho jaun

Mazhar Imam

MORE BY Mazhar Imam

    jo ziyāñ dil huā us izāla ho jā.ūñ

    ab to iz.hār-e-mohabbat salīqa ho jā.ūñ

    khīñchnā hai tire dāman ko harīfāna mujhe

    ik zarā ruk mire yūsuf maiñ zuleḳhā ho jā.ūñ

    maiñ sitāre tarah vaqt pe hotā huuñ ġhurūb

    shab tirā saath rahā ab maiñ saverā ho jā.ūñ

    tere bīmār hotā hai maraz aur sivā

    jo bīmār ho merā to maiñ achchhā ho jā.ūñ

    maiñ shanāvar huuñ zamāne ke bhare dariyā

    paar utarnā ho tujhe gar to safīna ho jā.ūñ

    itnā be-dard abhī dil to nahīñ hai merā

    saath kyuuñ chhoḌ duuñ apnā maiñ zamāna ho jā.ūñ

    vaqt-e-ruḳhsat to chamak apnī dikhānī hai mujhe

    chāñd banñe se rahā sub.h taarā ho jā.ūñ

    jo ziyan dil ka hua us ka izala ho jaun

    ab to izhaar-e-mohabbat ka saliqa ho jaun

    khinchna hai tere daman ko harifana mujhe

    ek zara ruk mere yusuf main zuleKHa ho jaun

    main sitare ki tarah waqt pe hota hun ghurub

    shab tera sath raha ab main sawera ho jaun

    tere bimar ka hota hai maraz aur siwa

    tu jo bimar ho mera to main achchha ho jaun

    main shanawar hun zamane ke bhare dariya ka

    par utarna ho tujhe gar to safina ho jaun

    itna be-dard abhi dil to nahin hai mera

    sath kyun chhoD dun apna main zamana ho jaun

    waqt-e-ruKHsat to chamak apni dikhani hai mujhe

    chand banne se raha subh ka tara ho jaun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY