juda hone ka usko bhi bahut sadma hua hoga

judā hone kā us ko bhī bahut sadma huā hogā

vo pahlī baar is andāz se tanhā huā hogā

sunā hogā jab us ne ittifāqan tazkira merā

yaqīnan ek lamhe ko vo sanjīda huā hogā

chalo dekheñ nikal kar aaj phir yādoñ kī duniyā meñ

kam-az-kam ek vo chehra to pahchānā huā hogā

jahāñ har aadmī simTā huā thā zaat meñ apnī

kise apne adhūre-pan kā andāza huā hogā

use ik ittifāqī amr kahnā bhī hai nādānī

huā hai jo bahut sochā bahut samjhā huā hogā

jo merī ḳhāmushī arbāb-e-mahfil ko khalī hogī

to mere lab-kushā hone pe hangāma huā hogā

safar lambā hai jab tak lauT kar aaoge tum 'manzar'

tumhāre shahr kā naqsha bahut badlā huā hogā

juda hone ka us ko bhi bahut sadma hua hoga

wo pahli bar is andaz se tanha hua hoga

suna hoga jab us ne ittifaqan tazkira mera

yaqinan ek lamhe ko wo sanjida hua hoga

chalo dekhen nikal kar aaj phir yaadon ki duniya mein

kam-az-kam ek wo chehra to pahchana hua hoga

jahan har aadmi simTa hua tha zat mein apni

kise apne adhure-pan ka andaza hua hoga

use ek ittifaqi amr kahna bhi hai nadani

hua hai jo bahut socha bahut samjha hua hoga

jo meri KHamushi arbab-e-mahfil ko khali hogi

to mere lab-kusha hone pe hangama hua hoga

safar lamba hai jab tak lauT kar aaoge tum 'manzar'

tumhaare shahr ka naqsha bahut badla hua hoga