judā hue to judā.ī meñ ye kamāl bhī thā
ki us se rābta TuuTā bhī thā bahāl bhī thā
vo jaane vaalā hameñ kis tarah bhulā.egā
hamāre pesh-e-nazar ek ye savāl bhī thā
ye ab jo dekh rahe ho ye kuchh nayā to nahīñ
ye zindagī kā tamāshā guzishta saal bhī thā
ye daaġh likkhā thā sailāb ke muqaddar meñ
mirā makān to pahle se ḳhasta-hāl bhī thā
juda hue to judai mein ye kamal bhi tha
ki us se rabta TuTa bhi tha bahaal bhi tha
wo jaane wala hamein kis tarah bhulaega
hamare pesh-e-nazar ek ye sawal bhi tha
ye ab jo dekh rahe ho ye kuchh naya to nahin
ye zindagi ka tamasha guzishta sal bhi tha
ye dagh likkha tha sailab ke muqaddar mein
mera makan to pahle se KHasta-haal bhi tha
Source:
Beesveen Sadi Ki Behtareen Ishqiya Ghazlen (Pg. 217)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.