juda nahin hai har ek mauj dekh aab ke bich
judā nahīñ hai har ik mauj dekh aab ke biich
hubāb bahr meñ hai bahr hai hubāb ke biich
lagā hai jis se mire dil meñ ishq kā kāñTā
huuñ misl-e-māhī-e-be-tāb pech-o-tāb ke biich
kisū ke dil kī imārat kā fikr kar mun.im
banā na ghar ko tū is ḳhāna-e-ḳharāb ke biich
har ek chalne ko yaañ musta.id hai shāh-savār
zamīñ pe paañv hai ik dūsrā rikāb ke biich
ba-rañg-e-sham.a chhupe husn-e-jalvagar kyuuñ kar
hazār us ko rakheñ burqa-o-naqāb ke biich
'nasīr' āñkhoñ meñ apnī lage hai yuuñ do jahāñ
ḳhayāl dekhte hī jaise shab ko ḳhvāb ke biich
juda nahin hai har ek mauj dekh aab ke bich
hubab bahr mein hai bahr hai hubab ke bich
laga hai jis se mere dil mein ishq ka kanTa
hun misl-e-mahi-e-be-tab pech-o-tab ke bich
kisu ke dil ki imarat ka fikr kar munim
bana na ghar ko tu is KHana-e-KHarab ke bich
har ek chalne ko yan mustaid hai shah-sawar
zamin pe panw hai ek dusra rikab ke bich
ba-rang-e-shama chhupe husn-e-jalwagar kyun kar
hazar us ko rakhen burqa-o-naqab ke bich
'nasir' aankhon mein apni lage hai yun do jahan
KHayal dekhte hi jaise shab ko KHwab ke bich
Source:
Kulliyat-e-Shah Nasiir (Part I) (Pg. 439)
- Author: Shah Naseer
-
- Edition: 1971
- Publisher: Majlis-e-Taraqqi-e-Adab, Lahore
- Year of Publication: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
