judai hi zarurat ho gai hai

judā.ī hī zarūrat ho ga.ī hai

suno talḳhī ke ik do ghūñT pī kar

mujhe jiine se raġhbat ho ga.ī hai

bahut rangīn thā terā fasāna

ab is meñ aur jiddat ho ga.ī hai

hameñ ma.atūb kar ke rakh diyā hai

bhalā aurat alāmat ho ga.ī hai

bhañvar meñ jab se paañv rakh diye haiñ

hameñ gardish kī aadat ho ga.ī hai

samundar to nahīñ thī zindagānī

jise kashtī kī hājat ho ga.ī hai

mirā dil bāñjh hotā jā rahā hai

tumhārī yaad ruḳhsat ho ga.ī hai

havā ne zaḳhm sī kar rakh diye jab

diye ko kyoñ shikāyat ho ga.ī hai

chalo duniyā ko ab āzād kar deñ

mukammal us kī iddat ho ga.ī hai

judai hi zarurat ho gai hai

suno talKHi ke ek do ghunT pi kar

mujhe jine se raghbat ho gai hai

bahut rangin tha tera fasana

ab is mein aur jiddat ho gai hai

hamein matub kar ke rakh diya hai

bhala aurat alamat ho gai hai

bhanwar mein jab se panw rakh diye hain

hamein gardish ki aadat ho gai hai

samundar to nahin thi zindagani

jise kashti ki hajat ho gai hai

mera dil banjh hota ja raha hai

tumhaari yaad ruKHsat ho gai hai

hawa ne zaKHm si kar rakh diye jab

diye ko kyon shikayat ho gai hai

chalo duniya ko ab aazad kar den

mukammal us ki iddat ho gai hai