jugnu teri yaadon ke uDe dil ke nagar se

jugnū tirī yādoñ ke uḌe dil ke nagar se

ab shaam se hai merā ta'alluq na sahar se

merī tarah ḳhushbū se na bichhḌe koī hamdam

merī tarah manzar ko koī aañkh na tarse

ai kaash chaman habs ke changul se nikal aa.e

kyā fā.eda us abr kā jo khul ke na barse

tahzīb kī kyā shakl nikal aa.ī ki insāñ

āzād nazar aatā hai ab aib-o-hunar se

ik ḳhauf ta.āqub meñ lagā rahtā hai har-gām

kyā bhuul huī ab ke ḳhudā jaane bashar se

rahtī huuñ maiñ tanhā.ī kī be-nām galī meñ

bāhar nahīñ jaatī kabhī insān ke Dar se

tūfān 'sadaf' raah meñ haa.il nahīñ hote

mazbūt hai rishta mirā maujoñ se bhañvar se

jugnu teri yaadon ke uDe dil ke nagar se

ab sham se hai mera ta'alluq na sahar se

meri tarah KHushbu se na bichhDe koi hamdam

meri tarah manzar ko koi aankh na tarse

ai kash chaman habs ke changul se nikal aae

kya faeda us abr ka jo khul ke na barse

tahzib ki kya shakl nikal aai ki insan

aazad nazar aata hai ab aib-o-hunar se

ek KHauf taaqub mein laga rahta hai har-gam

kya bhul hui ab ke KHuda jaane bashar se

rahti hun main tanhai ki be-nam gali mein

bahar nahin jati kabhi insan ke Dar se

tufan 'sadaf' rah mein hail nahin hote

mazbut hai rishta mera maujon se bhanwar se